Fitjar Musikklag med imponerande tredjeplass i Siddis Brass!

Laurdag 2. november var Fitjar Musikklag på scenen under Siddis Brass, og dei imponerte både dommarar og publikum med sitt gripande skotske program. Korpset leverte ei framføring som verkeleg rørte ved hjarta til dei som var til stades, og resultatet blei ein strålande tredjeplass. Frå første tone var det klart at korpset hadde førebudd seg godt. Dommarane rosa dei for ei «veldig solid og god framføring av eit fint program». Dei framheva særleg kvaliteten på solistane, som brakte ein unik energi til framstillinga med sin dyktigheit og uttrykksfullheit. Ein dommar bemerka: «Bravo til alle, og spesielt til korpsets solistar! De har god kontroll på repertoaret, og korpset kling veldig bra.» Det var ikkje berre korpsets dyktige solistar som stal showet, men også heilheitsopplevinga var god. «De er ei stor gruppe – eg har aldri sett så mange i eit band!» bemerka ein annan dommar, som også rosa det gode samspelet og den gode klangen til korpset. «Dette var morosamt å lytta til og sjå på. Solisten på The Piper var imponerande, med ein vanskeleg solo godt levert. De har ein flott lyd og godt fundament, så det er ingen tvil om at de har ei lys framtid framfor dykk.» Ein dommar oppsummerte det godt: «Overall: an entertaining program with great soloists and good band sound. I am just sitting back and listening. This was fun to listen to, and to watch.» Det var også tydeleg at publikum sette pris på det dei såg og høyrde. Med ein kombinasjon av tradisjonelle skotske melodiar og moderne element som song og elgitar, skapte dei ein underhaldande atmosfære. Fitjar Musikklag har verkeleg sett sitt preg på denne konkurransen, og det er ingen tvil om at dette er ein prestasjon som gir inspirasjon og motivasjon til vidare øving. Svein Roger Koppang (dirigent)

Publiseringsdato 04.11.2024